Við fórum í árlegu jólaferðina okkar í skóginn 4. desember. Veðrið var stillt og fallegt og nýfallinn snjór yfir öllu. Jólasveinninn tók á móti okkur við skýlið þegar við komum og við dönsuðum kringum jólatré og sungum jólalög. Síðan fórum við á jólastöðvar í ratleik og þrautir þar sem þemað var jólasveinarnir 13. Bakaðar voru lummur og allir fengu heitt kakó.

 

Þriðjudagur 3. desember - Brautarholtssund 6. og 7. bekkur

Miðvikudagur 4. desember - Jólaferð í skóginn

Fimmtudagur 5. desember - Skólahópur Leikholts með 1. og 2. bekk fram að hádegi. 

 

Sunnudaginn 1. desember er fyrsti sunnudagur í aðventu og að því tilefni verður aðventuhátíð í Árnesi kl. 15. Hefð er fyrir því að nemendur skólans taki þátt þennan dag, bæði í söng og helgileik. Umsjónarkennarar munu senda póst með frekari upplýsingum um viðburðinn.

Fyrsti sunnudagur í aðventu var 1.desember og þá tókum við þátt í árlegri skemmtun í Árnesi. Þar léku börnin helgileik og sungu lög sem þau hafa verið að æfa í tónmennt. Einnig sungu þau Fögur er foldin með kirkjukórurum í sveitinni. Sóknarnefndin bauð síðan gestum upp á kaffiveislu. Hátíðleg stund sem markar upphaf jólaundirbúnings hjá mörgum í sveitinni.

 

 

Mánudagur 25/11 - 7. bekkur fer inn í Þjórsárdag.

Þriðjudagur 26/11 - 7. bekkur í Flúðaskóla fyrir hádegi.

Fimmtudagur 28/11 - Skólahópur Leikholts með 1.-2.bekk.

Föstudagur 29/11 - Æfing fyrir aðventuhátíðina í Árnesi.

Sunnudagur 1/12 - Aðventuhátíð í Árnesi kl. 15.